Pòrri-fèr
Allium polyanthum
Amaryllidaceae Alliaceae
Autre noum : Porre-fèr.
Noms en français : Poireau des vignes, Ail à fleurs nombreuses.
Descripcioun :Lou pòrri-fèr se vèi souvènt d'aqui d'eila pèr camin, dins li vigno e lis ermas. Se recounèis à si boulo de flour roso salo e à sis estamino que sorton gaire. I'a de 8 à 40 veno à la cabosso.
Usanço :Èi di proun acampa à la fin de l'ivèr avans la flourido. Lou pòrri-fèr èi goustous crus o cue en liéume e meiour que li dóu negòci, evidentamen subretout lou blanc. Li racino sèrvon pèr sougna li plago e li pougnaduro de la tavaniho e di serp (siegue fretado, siegue en maceracioun dins l'aigo - P. Lieutaghi, op.cit. p. 438). Tambèn pèr ajuda à faire sourti lou nourrimen (o placenta) encò li cabro e fedo, se dounavo uno tisano de pòrri (Ibid.).
Port : Grando erbo
Taio : 40 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Allium
Famiho : Amaryllidaceae
Famiho classico : Alliaceae
Ordre : Asparagales
Coulour de la flour :
Roso
Petalo : 6
Ø (o loungour) enflourejado : 3 à 6 cm
Flourido : Printèms
- Estiéu
Sòu : Ca
Autour basso e auto : 0 à 800 m
Aparado : Noun
Abriéu à juliet
Liò : Ermas
- Camin
- Champ
- Vignarés
Estànci : Termoumediterran à Mesoumediterran
Couroulougi : Eurimediterrano
Ref. sc. : Allium polyanthum Schult. & Schult.f., 1830
(= Allium porrum subsp. polyanthum (Schult. & Schult.f.) Jauzein & J.M.Tison = Allium ampeloprasum subsp. polyanthum, 1990 (Schult. & Schult.f.) O.Bolòs, Vigo, Masalles & Ninot )
Oundulino-di-ramo-plano
Alleniella complanata
Neckeraceae
Nom en français : Onduline aux rameaux applatis.
Descripcioun :Aquelo mousso pluroucarpo trachis majamen sus li pège e ramo d'aubre dins li relarg umide e souvènt sourne, ounte fai de placo jaunastro e lusènto. Se recounèis pulèu eisadamen bonodi si ramo e si fueio dins lou meme plan. Aquésti darriero an ges de costo, porton un bout redoun acaba pèr un benc.
Usanço :Se pòu engana emé lis àutri mousso dóu meme gènre coume Alleniella besseri, pamens aquesto radiero a ges de benc ; Exsertotheca crispa a li fueio oundado e se n'en destrìo eisadamen.
Port : Pluroucarpo
Taio : 5 cm
Fueio : 1,2 mm
Tipe bioulougico :
Cicle bioulougico : Planto renadivo
Gènre : Alleniella
Famiho : Neckeraceae
Ordre : Hypnales
Coulour de la flour :
Petalo : 0,7 à 1,2 cm
Ø (o loungour) flour : Coumplet
Flourido : Printèms
Sòu : Ca
Autour basso e auto : 50 à 2000 m
Aparado : Noun
Mars à mai
Liò : Pège à l'oumbro
- Roco à l'oumbro
- Ramo à l'oumbro
Estànci : Mesoumediterran à Subaupen
Couroulougi : Oulartico
Ref. sc. : Alleniella complanata (Hedw.) S.Olsson, Enroth & D.Quandt, 2011
(= Neckera complanata (Hedw.) Huebener, 1833 )